Þýðingar Sigfúsar á ljóðum Octavio Paz (ásamt Jóni Thoroddsen).
Úr Allra átta:
Gatan
Gatan er löng, allt er hljótt og um slæðing
myrkranna geng ég, hnýt við og dett
rís upp, feta þá daufdumbu steinlögn
skrælnað laufið áfram blindum fótum
einhver að baki mér einnig á gangi
nemi ég staðar, stendur hann við
taki ég til fóta tekur hann á rás! Ég lít um öxl,
enginn í myrkrinu fullkomnu, engin
undankomuleið, ég beygi fyrir horn,
beygi enn og aftur, inn í sömu götu
þar sem enginn bíður né eltir mig
þar sem ég elti mann sem hnýtur
rís upp, lítur til mín og segir: enginn