Barnabókin The Ironwood Tree eftir Tony DiTerlizzi og Holly Black. Fjórða bókin í ritröðinni Spiderwick sögurnar.
Úr Trénu í járnskóginum:
Jared komst ekki burt frá innanginum. Hann heyrði sverðaglamur og hvatningarhróp en hljóðin virtust koma úr fjarska. Skelfingu lostinn horfði hann á þjálfarann snúa sér að tvífara sínum. Maðurinn varð rauður í framan og nokkrir skylmendanna horfðu höggdofa á tvífara Jareds.
,,Fínt, sagði Jared og gretti sig. Það var ómögulegt fyrir hann að útskýra þetta.
Þjálfarinn benti á útgöngudyrnar á leikfimisalnum, og hann horfði á Ekki-Jared staulast í áttina til þeirra - og framhjá sjálfum sér. Ekki-Jared nálgaðist Jared glottandi, Jared kreppti hnefana.
Ekki-Jared fór framhjá Jared án þess að líta á hann og skellti á eftir sér hurðinni. Jared óskaði að hann fyndi eitthvert ráð til að þurrka glottið af andlitinu á honum. Hann elti hann út á ganginn þar sem allir skáparnir stóðu.
,,Hver ertu? spurði Jared. ,,Hvað viltu?
Ekki-Jared sneri sér að honum og það var eitthvað í augnaráði hans sem setti kuldahroll að Jared.
,,Þekkirðu mig ekki? Er ég ekki þú sjálfur? Það lék fyrirlitningarglott um varir hans.
(21-2)
