Verðlaunasögur úr smásagnasamkeppni SHÍ. Eiríkur Guðmundsson var umsjónarmaður keppninnar og ritar inngang.
Úr inngangi:
Veturinn 1991-1992 stóð Stúdentaráð Háskóla Íslands fyrir smásagnasamkeppni þar sem þátttökurétt höfðu allir nemendur skólans. Alls bárust 59 sögur og hér birtast þær 11 sögur sem dómnefnd kaus að verðlauna. Þar á meðal er vinningssagan, „Innkaupaferð“, eftir Kristján B. Jónasson.
Eins og gefur að skilja eru sögurnar ólíkar bæði hvað varðar stíl og efni. Einn höfundur skrifar tilbrigði við alþekkt ævintýri, annar lætur dægurlag hljóma gegnum söguna, sá þriðji man eftir skáldi sem hugsaði mikið um dauðann. Raunar má segja að dauðinn sé nálægur í flestum sögunum. Þannig er maðurinn með ljáoinn á ferli uppá Landakotshæðinni í „Frásögu Kristjáns Jónssonar“; í „Lífsbroti“ er fugl, sem syngur ekki framar, jarðsunginn í vindlakassa og Daniel Santos finnst niðurdrepandi að liggja í líkhúsi með merkisspjald á tánni. Dauðinn er þannig með ýmsu móti eins og vera ber.
„Innkaupaferð“ er öðru fremur veisla fyrir augað, hún er helgidómur hins sýnilega. Hver lýsingin rekur aðra, smáatriðin hrannast upp og mynda umgjörð þessarar undarlegu innkaupaferðar. Sagan er upfull af eftirvæntingu og dulúð: eftirtekt. Að baki býr svo óhuganður sem opinberast ekki fyrr en í lok sögunnar.
