Frumsýnt hjá Leikfélagi Reykjavíkur 1990. Gefið út á bók af Menningarsjóði 1990.
Úr Kjöti:
MATTI (kemur aftur inn): Ég átti að ná í eitt stykki skrokk (skynjar að eitthvað er á seyði). Skrokkarnir eru í frystinum, sagði Bergþór.
(Alli bendir á dyrnar á frystiklefanum).
MALLA: Frystiklefinn. Verslunarstjórinn bendir á frystiklefann.
(Salvör kveikir á útvarpinu. Lágvær íslensk músík annó 1963).
MATTI: Eru skrokkarnir þarna inni?
MALLA: Sumir. Þessir gaddfreðnu.
ALLI (snýst á hæli, gengur uppí íbúðina).
MATTI: Hvað gengur að honum?
SALVÖR: Hugsaðu um það sem þú átt að gera væni minn.
MATTI: (opnar frystiklefann): Hvílíkt heimskautafrost! (Öskrar). Scott, Amundsen, hvar eruð þið fíflin ykkar, Matti er kominn ykkur til bjargar! Matti, hetja norðursins með þrjátíu sýngjandi sleðahunda!
SALVÖR: Dettur þér aldrei í hug að reyna að hafa örlítið taumhald á túngu þinni Magdalena?
MALLA: Hann fer bara í taugarnar á mér. Trúirðu því? Hann lángar tilað berja mig, en kannski lángar mig líka tilað berja smá líf í skrokkin á honum.
SALVÖR: Ég efast um að það sé á þínu valdi. (Matti birtist með frosinn skrokk):
MATTI: Matti barðist við óðan ísbjörn í frystiklefanum! Ísbjörninn reyndi að ná gaddfreðnu líki heimskautafarans af Matta! En Matti lagði algebrudæmi fyrir ísbjörninn sem þegar í stað fraus í hel af skelfíngu! (Matti kemur út með kindarskrokk; heyrir Bítlana í útvarpinu; byrjar að dansa við skrokkinn; lætur Salvöru síðan taka við skrokknum, hækkar í útvarpi, tvistar við Möllu). We shake it, shake it, shake it baby now, twist and shout, twist and shout!
(s. 35-36)
