Bókin kom út ásamt fjórum öðrum bókum í öskju, sem gefin var út í 100 eintökum. Ritstjórar: Oddný Eir og Uggi Ævarsson
Úr snjór piss hár:
Oft eru apar á ferð
um hálendi Íslands í hópum
litlir apar í úlpum
vandlega renndum upp
hálfapar með húfur
hanga í skottinu á hinum
fljótlega dragast aftur úr
og láta sig detta í snjóinn
hinir hundskast áfram
yfir fjöll og firnindi
í leit að löngu liðnum tíma
í hálfgerðu vonleysi
