Úr N er aðeins bókstafur:
kvöldgestur
situr ekki fugl í sófanum
þegar ég kem heim
undir myrkur
sem gerir ekkert til
því sófinn er gamall og slitinn
og langt síðan
kötturinn hvarf
þó er mér ekki rótt
með þennan fugl í sófanum
venjuleg grannahnýsni
er hann að færa mér boð
en því miður er þetta
ekki
páfagaukur
eða sem betur fer
af eftirhermum hef ég
fengið nóg
og öðru óheillagargi
en þessi fugl
lætur ekkert uppi
og bíður rór
eftir kaffinu
sem
ég drekk oftast einn