Úr Dýra líf:
til lesenda
ég skáldið
heilsa ykkur öllum tólf
þó óski mér á stórhátíðum
í tertu og gjafastað
að ykkur fækki um einn
en þegar skima yfir hópinn
(því næ ég þrátt fyrir fjarsýnina)
veit ég vart hver er kyssilegastur
er þó sífellt að væta varirnar
til að kanna hvort ekki finnist
eiturbragð laundrjúgt eiturbragð
ern er vart snúinn frá
þegar þyrpist að myntsláttunni
þar sem greiddar eru út þrjátíu í senn
félagi spörfugl
sparaðu þér sporin
og mér vængjatökin
tylltu þér á sylluna
gerist ekkert í kvöld
nema að sólin sest
og myrkrið læðist að
það sáum við áður
hreiðurgerð bíður vors
vors og byltingar
grænnar rauðrar kliðmjúkrar
svo nærri það fjærri langþráð
líkt og svefninn þegar rökkvar
taktu þá flugið vinur
þau styttast mér sporin
