Jónas gekk frá handriti bókarinnar til prentunar áður en hann lést, en hún kom út að honum liðnum.
Úr Brot af staðreynd:
Samsetning
Æviþráðurinn liggur upp og niður hæðir blárra daga
í San Fransiskó áttatíu og sjö.
Rústað andlit eftirleguhippa –
augun blóð, gráhvítt síðskegg.
Og hinsvegar fullkomin stúlka að skokka undir kvöld.
En fyrst andlit hennar
er máð úr huga mér
og fyrst þessi tvö dúkka alltaf upp saman
í minningu minni frá San Fransiskó
þá fæ ég lítt varist þeirra óhæfu
að vel byggð stúlkan birtist mér
með hippahausinn ónýta á herðum sér –
skeggfossinn freyðandi yfir barminn.
(29)