Bergrún Íris Sævarsdóttir er höfundur texta og mynda.
Geisladiskur fylgir, Haukur Gröndal samdi tónlistina.
um bókina
Kertasníkir arkar til byggða í sannkölluðu jólaskapi, spenntur að dansa í kringum jólatré með glöðum börnum og hitta bræður sína á gistiheimilinu Grýlukoti. Þar mæta honum hins vegar svekktustu sveinar sem hann hefur augum litið!
Jólasveinarnir lýsa því daprir hvað aðventan hafi verið leiðinleg. Fólk sé allt of upptekið, enginn syngi og hinn sanni jólaandi sé á bak og burt! Sem betur fer fær Kertasníkir hugmynd að prakkarastriki sem bjargað getur jólunum og breytt þeim til hins betra!
