um bókina
Lífdagar er heildarsafn ljóða Sveinbjarnar og hefur að geyma ljóðabækurnar Í skugga mannsins, Ljóð handa hinum og þessum, Lífdagatal, Felustaður tímans og Stofa kraftaverkanna. Ennfremur er hér að finna ljóðverkið Stjörnur í skónum og Þúsaldarljóð, auk fjölmargra áður óbirtra ljóða.
úr bókinni
Góða ferð
Von og ætlan
vafi og vissa
trú og rök
leið manns
liggur ófarinn veg
um skjólfjöll
og skuggafjöll
hlykkjast gatan
og þeir
sem þú átt
og eiga þig
ætíð þétt að baki
eins og blakandi vængir
rykið
af veginum
blikandi stjörnur.