Leifur Eiríksson, rótlaus blaðamaður, losar síðustu aurana út úr djörfum fjárfestingum sínum á netinu sumarið 2004 og býður kærustunni, tattóveruðu sveitastelpunni Unni, til Ameríku.
Nú á að njóta lífsins og frelsisins, en undir niðri krauma ólgandi hvatir og óuppgerðar tilfinningar. Fyrr en varir hefur ævintýraferðin snúist upp í óvænt ferðalag með skrautlegum ferðafélögum – jafnframt því að vera ferð inn í eigið sálarlíf.
