Af bókarkápu:
? Framtíðarsagan um ást og vonbrigði, vald og vináttu, klíkur og kúgun, hefnd og heimsku, framhjáhald og morð, fordóma og illa meðferð fatlaðra og slátrun saklausra, í þjóðfélagi einkavina ?
Úr Glass:
Hann kveður, kyssir Hana á ennið, strýkur létt niður vangann, dregur vísifingur yfir varirnar, brosir, herðabreiður líkaminn fjarlægist Hana. Tilfinningin í kroppnum er vellíðan, ómegin í fullri meðvitund. Hann hverfur inn á milli trjánna niður að fjlótinu og leifar hans hvíla sem léttur skuggi fáein augnablik framan við klettariðið, sem Hún greinir handan við gráa stofnana. Henni bregður, þegar merkið kemur, eins og kaldur gustur, um að tíminn sé túi og leiknum lokið. This time. Hún andvarpar, smeygir af sér the FreeLifeHood. Hana svimar og velgir, líklega af pillunni, og þrátt fyrir líðan fullnægjunnar verður Hún vör við dökkt tóm einhvers staðar í líkamsrýminu. Henni dettur í hug svarthol í geimnum, það er fáránleg hugsun og á hvergi heima.
- This Marvellous Experience of Free Life and Love comes to You through the Courtesy of HiSky, your Democratic Enterprice of Free Living. Only Your personal Account will be charged. Thank You for enjoying this Experience with Us and welcome again, whenever You feel Your Life becoming triste, without Color and Love. Hún biður um sterkt cappuccino með sykri, meiri sykri.
(121-2)
