Rafrænar menningargöngur

Bókmenntaborgin býður upp á fríar bókmenntagöngur með leiðsögn sem hægt er að fara í hvenær sem er og jafnvel úr sófanum heina þótt við mælum með því að ganga um þessar bókmenntaslóðir.  Göngurnar eru í rafrænu formi og er hægt að nálgast þær með því að hlaða niður appinu Reykjavik Culture Walks, hvort sem er fyrir IOS eða Android.

Göngur fyrir alla

Í appinu eru nú fimm göngur á íslensku, fimm á ensku, tvær á spænsku, tvær á frönsku og ein á þýsku. Meðal annars er þarna að finna ensku gönguna Literary Reykjavík, sem kynnir bókmenntir frá mismunandi tímum, aðra göngu á ensku þar sem glæpasögur Arnaldar Indriðasonar eru í brennidepli og íslenska krimmagöngu með þátttöku nokkurra af okkar þekktustu glæpasagnahöfundum. Þá er ein ganga helguð slóðum Nóbelsskáldsins Halldórs Laxness í miðbænum og er hún bæði á íslensku og ensku. Einnig er ganga á þýsku sem kynnir íslenska bókmenntasögu frá söguöld til okkar tíma og ganga á íslensku, ensku og frönsku um landnámið í Reykjavík sem er unnin af Borgarsögusafni Reykjavíkur. Þá er einnig ganga á frönsku með listamanninum Philippe Guerry sem var gestahöfundur í Reykjavík 2018. Spænsku göngurnar eru annars vegar glæpasagnaganga og hins vegar ganga þar sem ýmsar bækur frá ólíkum tímum koma við sögu. Fleiri göngur munu síðar bætast við.

Göngurnar eru aðgengilegar í smáforritinu Reykjavik Culture Walks og er hægt að hlaða þeim niður frítt í App Store  og Playstore á  öll iPhone eða Android tæki.