Beint í efni

Hljómleikar í hvítu húsi

Hljómleikar í hvítu húsi
Höfundur
Knut Ødegård
Útgefandi
Heimskringla
Staður
Reykjavík
Ár
1973
Flokkur
Íslenskar þýðingar

Um þýðinguna

Ljóð eftir Knut Ödegaard í íslenskri þýðingu Einars Braga.

Úr Hljómleikar í hvítu húsi

Heimilisöryggi

Við búum við heimilisöryggi.
Hér eru hinir látnu hengdir upp á vegg
bak við hreint gler.
Við lifendur tökum um lifandi hluti.
Við höfum kjallara, stiga og loft.
Á haustin bítum við í fallin epli
og spýtum út úr okkur kjörnunum. Bústnar, ljósar
nýuppteknar kartöflur á borðum.

Á veturna eru moldugir haugar
af kartöflum í kjallaranum.
Og á loftinu: kassar fullir af óskemmdum eplum
í þurrum geymslum, græn epli í tréhvítum kössum.
Við göngum upp og ofan stiga.
Af loftinu sjáum við nágranna okkar
allt í kring.
Í kjallaranum teygja sig hvítar spírur með varúð
hátt upp í dauft rökkrið.

Fleira eftir sama höfund

Þunna torfan sem ég stend á: Missa – Júdas Ískaríot – Trönurnar flugu hjá

Lesa meira

Fugl og draumur

Lesa meira