Bókamessa í Bókmenntaborg

Bókamessan 2019 er í Hörpu helgina 23. - 24. nóvember

Bókamessa í Bókmenntaborg er árlegur viðburður í nóvember. Þar sameina krafta sína Bókmenntaborgin og Félag íslenskra bókaútgefenda.

Lífleg bókmenntadagskrá fyrir alla fjölskylduna verður í Flóa á 1. hæð Hörpu báða dagana, rithöfundar mæta á svæðið, lesa úr nýjum verkum, afgreiða á básum og árita bækur sínar. Þarna gefst lesendum á öllum aldri því kærkomið tækifæri til að hitta höfunda og útgefendur og skoða útgáfu ársins. 

Útgefendur bregða á leik með lesendum, óvæntar uppákomur verða báða dagana og lesendur geta nælt sér í glóðvolgar bækur á góðu verði beint frá útgefanda. 

 

Frá Bókamessu 2018

Frá dagskrá Bókamessu 2018

Á Bókamessu er fjölbreytt bókmenntadagskrá alla helgina fyrir fólk á öllum aldri og dagskráin 2019 er sem hér segir:

LAUGARDAGUR 23. NÓVEMBER

RÍMA A

Kl. 13:00 – 13:25
Byrjaðu að hlaupa
Arnar Pétursson kynnir Hlaupabókina þar sem hann svarar helstu spurningum eins og „hvernig byrjarðu að stunda hlaup eða heldur áfram að bæta þig?“

Kl. 13:30 – 13:55
Tími töframanna
Arthúr Björgvin Bollason spjallar um þýðingu sína á metsölubókinni Tími töframanna - Áratugur hinna miklu heimspekinga 1919–1929 (Zeit der Zauberer) eftir þýska heimspekinginn og rithöfundinn Wolfram Eilenberger.

Kl. 14:00 – 14:50
Dularfullt fólk?
Maríanna Clara Lúthersdóttir fær til sín höfundana Bergþóru Snæbjörnsdóttur (Svínshöfuð), Braga Ólafsson (Staða pundsins), Kristínu Ómarsdóttur (Svanafólkið) og Sjón (Korngult hár, grá augu) og ræðir við þau um nýjar bækur þeirra.

Kl. 15:00 – 15:50
Lífssaga / skáldsaga
Björn Halldórsson spjallar við höfundana Auði Jónsdóttur (Tilfinningabyltingin) og Björgu Guðrúnu Gísladóttur (Skuggasól) um lífssögur og skáldsögur.

Kl. 16:00 – 16:30
Fyrstu mánuðirnir
Sylvía Rut Sigfúsdóttir spjallar við Önnu Eðvaldsdóttur ljósmóður um líf hennar og störf í tilefni bókarinnar Fyrstu mánuðirnir – ráðin hennar Önnu ljósu.

RÍMA B

Kl. 13:00 – 13:40
Sögur mæðra okkar
Sæunn Kjartansdóttir (Óstýriláta mamma mín… og ég) og Sigríður Kristín Þorgrímsdóttir (Jakobína – saga skálds og konu) senda báðar frá sér bækur um mæður sínar. Þær lesa upp og kynna bækurnar fyrir gestum bókamessu.

Kl. 14:00 – 14:25
Stöngin út
Magnús Guðmundsson og Halldór Einarsson ræða um bókin Stöngin út sem segir frá ævintýralegu lífi Halldórs sem oft er kenndur við íþróttafatamerkið Henson.

Kl. 14:30 – 14:50
Með sigg á sálinni
Sagnameistararnir Einar Kárason og Friðrik Þór Friðriksson slá saman í safaríka sögu um lífsferil Friðriks Þórs (Með sigg á sálinni).

Kl. 15:00 – 16:00
Orð um bækur í beinni
Útvarpskonan vinsæla Jórunn Sigurðardóttir sest niður með rithöfundum og spjallar við gesti bókamessu í beinni útsendingu.
Kl. 15:00
Að verða og vera orðinn rithöfundur!
Jórunn ræðir við þrjá unga höfunda, þau Brynju Hjálmsdóttur (Okfruman), Pedro Gunnlaug García (Málleysingarnir) og Jónas Reyni Gunnarsson (Þvottadagur).

Kl. 15:40
Kynslóðir koma saman
Jórunn spjallar við Fríðu Ísberg (Leðurjakkaveður), Soffíu Bjarnadóttur (Hunangsveiði) og Vigdísi Grímsdóttur (Systa).

Kl. 16:05 – 16:30
Máttur hjartans – Sjáðu fyrir þér
Guðni Gunnarsson kynnir nýjustu bók sína Máttur hjartans – Sjáðu fyrir þér.

UNDRALAND BÓKANNA HJÁ SLEIPNI

Kl. 13:00 - 13:20
Bland í poka með Snorra Helgasyni
Saga Garðarsdóttir og Snorri Helgason syngja inn Bókamessu með lögum af plötunni Bland í poka sem hefur að geyma 10 barnalög. Snorri ásamst hljómsveit og góðum gestum syngja á plötunni.
Plötunni fylgir bók með teikningum Elínar Elísabetar Einarsdóttur þar sem textar laganna og gítargrip þeirra er að finna. 

Kl. 13:30 – 13:55
Perlustund
Eva Einarsdóttir og Lóa Hlín Hjálmtýsdóttir perla með ungum messugestum og segja sögur af Sögu.

Kl. 14:00 - 15:30
Sögustund fyrir yngstu lesendurna
Blær Guðmundsdóttir les úr bókinni Sipp, Sippsippanipp og Sippsippanippsippsúrumsipp
Eva Einarsdóttir les úr bók sinni Saga um þakklæti
Sigrún Eldjárn les úr bók sinni Sigurfljóð í grænum hvelli
Æsa Guðrún Bjarnadóttir les úr þýðingu sinni á bók Lars Mæhle Risaeðlugengið - Eggið
Birgitta Haukdal les úr bók sinni Gamlárskvöld með Láru
Þórarinn Eldjárn les úr þýðingu sinni á bók Tove Jansson Hver vill hugga krílið?

Kl. 15:30 – 16:00
Skuggahliðin jólanna
Eva María Jónsdóttir og Rósa Þorsteinsdóttir lesa, kveða og spjalla um bók sína Skuggahliðin jólanna sem þær settu saman úr gömlum þulum og sögum um jólin sem til eru hljóðritaðar á Árnastofnun.

HLJÓÐVER STORYTEL Í FLÓA

Kl. 13:00 – 16:00
Hallgrímur Thorsteinsson spjallar við höfunda:

Kl. 13:00 Einar Má Guðmundsson
Kl. 13:30 Borghildur Guðmundsdóttir
Kl. 14:00 Sigursteinn Másson
Kl. 14:30 Sandra B. Clausen
Kl. 15:00 Einar Kárason og Kamilla Einarsdóttir
Kl. 15:30 Bergrún Íris Sævarsdóttir

Hjá Bókaforlaginu Benedikt í Flóa

Kl. 13:00
Bergþóra Snæbjörnsdóttir, höfundur Svínshöfuðs, verður á bás Benedikts.

Kl. 14:00
Vigdís Grímsdóttir, höfundur Systu, verður á básnum.

Kl. 15:00
Dóra S. Bjarnason, höfundur bókarinnar Brot - Konur sem þorðu, verður á bás Benedikts.

Kl. 16:00
Berglind Guðmundsdóttir verður hjá Benedikt með bók sína Gulur, rauður, grænn og salt - vinsælustu réttirnir frá upphafi. Boðið verður upp á léttar veitingar.

Hjá bókaforlaginu Bókabeitunni í Flóa

Kl. 12:00 – 13:00
Ragnhildur Hólmgeirsdóttir, höfundur bókarinnar Villueyjar, verður á bás Bókabeitunnar.

Kl. 12:00 – 13:00
Blær Guðmundsdóttir verður á Bókabeitubásnum með bók sína Sipp, Sippsippanipp og Sippsippanippsippsúrumsipp.

Kl. 13:00 – 14:00
Lundastund með Ásrúnu Magnúsdóttur og Iðunni Örnu, höfundum bókarinnar Ævintýri Munda Lunda á Bókabeitubás.

Kl. 14:00 – 15:00
Hilmar Örn Óskarsson höfundur bókanna um Kamillu Vindmyllu verður á Bókabeitubás.

Kl. 14:00 – 15:00
Eva Einarsdóttir verður á bás Bókabeitunnar með bók sína Saga um þakklæti.

Kl. 15:00 – 16:00
Höfundar kynna og gefa smakk úr réttum bókarinnar Skál og hnífur: Búbblubókin á bás Bókabeitunnar.

HJÁ BÓKAFORLAGINU SÖLKU Í FLÓA

Kl.13:00
Jólaföndur með Jönu
Jana María Guðmundsdóttir föndrar merkimiða úr bókinni Töfrandi jólastundir.

Kl.14:00
Í eldhúsi Evu
Eva Laufey sýnir sína alkunnu snilld í kökuskreytingum og áritar bókina Í eldhúsi Evu.

Kl.14:30
Leitin að Útiveru
Sabína Steinunn Halldórsdóttir, höfundur bókarinnar Útivera, stjórnar leitinni að Útiveru.

Kl.14:30
Höfundar afgreiða
Sólveig Pálsdóttir, höfundur Fjötra, og Díana Sjöfn Jóhannsdóttir, höfundur Ólyfjan, standa vaktina á Sölkubásnum.

Kl.15:00
Í eldhúsi Evu
Eva Laufey fær Helgu Arnardóttur fjölmiðlakonu og höfund Nínu óskastjörnu til að útbúa ómótstæðilegar brúskettur úr bókinni Í eldhúsi Evu.

Kl.16:00
Hamingjustund
Eigum glaða stund og skálum fyrir útgefnum bókum ársins.

Hjá Forlaginu í Flóa

Kl. 12:00 – 17:00
Höfundar Forlagsins afgreiða á básnum og árita bækur sínar.

Kl. 12:00 – 13:30
Páll Baldvin Baldvinsson kynnir bók sína Síldarárin.

Kl. 13:00 – 14:00
Sigrún Eldjárn kynnir bækur sínar Kopareggið og Sigurfljóð í grænum hvelli.

Kl. 13:30 – 15:30
Theodóra Mjöll greiðir gestum og gangandi og kynnir bók sína Hárbókin – 58 greiðslur fyrir öll tilefni.

Kl. 14:00 – 15:00
Sigrún Elíasdóttir kynnir bók sína Leitin að vorinu, og Margrét Tryggvadóttir kynnir bók sína Kjarval - málarinn sem fór sínar eigin leiðir.

Kl. 15:00 – 16:00
Linda Ólafsdóttir lætur rotturnar úr Draumaþjófinum lifna við á pappír.

Kl. 15:30 – 17:00
Kynning á bókinni Listin að vefa eftir Ragnheiði B. Þórsdóttur og vefnaður til sýnis.

Kl. 16:00 – 17:00
Gunnar Helgason kynnir bók sína Draumaþjófurinn og Linda Ólafsdóttir teiknar rottumyndir.

_______________________________

Undraland Bókamessa 2018

Undraland bókanna hjá Sleipni

SUNNUDAGUR 24. NÓVEMBER

RÍMA A

Kl. 13:30 – 13:55
Ljóð í stafrænu formi
Anton Helgi Jónsson kynnir ljóðavefinn anton.is og spáir í möguleika ljóðsins á stafrænu formi.
Kl. 14:00 – 17:00
Ljóðastund
Ljóðasenan er einstaklega kraftmikil um þessar mundir og mun úrval skálda lesa upp úr nýjum ljóðabókum á messunnni. Njóttu þess að hlusta ljóðaflutning, hvort sem þú staldrar við stutt eða lengur.

Kl. 14:00 – 15:00
Brynja Hjálmsdóttir (Okfruman), Brynjólfur Þorsteinsson (Þetta er ekki bílastæði), Fríða Ísberg (Leðurjakkaveður), Gerður Kristný (Heimskaut), Hildur Eir Bolladóttir (Líkn), Þórdís Gísladóttir (Mislæg gatnamót).

Kl. 15:00 – 16:00
Harpa Rún Kristjánsdóttir (Edda), Valdimar Tómasson (Ljóð 2007 – 2018), Sigurlín Bjarney Gísladóttir (Undrarýmið), Bubbi Morthens (Velkomin), Þórarinn Eldjárn (Til í að vera til).

Kl. 16:00 – 17:00
Einar Már Guðmundsson (Til þeirra sem málið varðar), Hanna Óladóttir (Stökkbrigði), Guðrún Rannveig Stefánsdóttir (Vökukonan í Hólavallagarði), Ragnheiður Harpa Leifsdóttir (Sítrónur og náttmyrkur).

RÍMA B

Kl. 13:00 – 13:50
Hljóðbókabyltingin
Sigríður Kristjana Ingimarsdóttir bókmenntafræðingur spjallar við þau Stefán Hjörleifsson framkvæmdastjóra Storytel á Íslandi, Ragnar Jónasson rithöfund og Sölku Sól Eyfeld stórnotanda hljóðbóka um hljóðbókabyltinguna sem fer um heiminn um þessar mundir.

14:00 – 14:55
Loftslagsmál og bókmenntir
Sverrir Norland sest niður með rithöfundunum Hildi Knútsdóttur (Nornin), Kristínu Helgu Gunnarsdóttur (Fjallaverksmiðja Íslands) og Steinunni Sigurðardóttur (Dimmumót) til að ræða hlutverk bókmennta í að skapa umræðu um umhverfismál.

15:00 – 16:00
Að kenna á lífið
Katrín Lilja Jónsdóttir ræðir um ungmennabækur við höfundana Ármann Jakobsson (Bölvun múmíunnar) Brynhildi Þórarinsdóttur (Ungfrú fótbolti), Ragnheiði Gestsdóttur (40 vikur), Ragnhildi Hólmgeirsdóttur (Villueyjar) og Hilmar Örn Óskarsson (Húsið í september).

UNDRALAND BÓKANNA HJÁ SLEIPNI

Kl. 13:00 – 13:50
Jólastund með Jönu
Jana María Guðmundsdóttir föndrar með börnunum út frá bók sinni Töfrandi jólastundir með börnunum.

Kl. 14:00 – 14:50
Teiknismiðja RÓ
Bergrún Íris Sævarsdóttir og Eva Rún Þorgeirsdóttir kynna bókinaog bjóða krökkum í teiknistund.

Kl. 15:00
Sögustund fyrir hressa krakka
Arndís Þórarinsdóttir les úr bók sinni Nærbuxnanjósnararnir.
Bergrún Íris Sævarsdóttir les úr bók sinni Langelstur að eilífu.
Þórdís Gísladóttir les úr bók sinni Randalín, Mundi og leyndarmálið.
Árni Árnason les úr bók sinni Friðbergur forseti.
Snæbjörn Arngrímsson les úr verðlaunabók sinni Rannsóknin á leyndardómum eyðihúsins.

HLJÓÐVER STORYTEL Í FLÓA

Kl. 13:00 – 16:00
Hallgrímur Thorsteinsson spjallar við höfunda

Kl. 13:00 Benný Sif Ísleifsdóttir
Kl. 13:30 Hallgrímur Helgason
Kl. 14:00 Lilja Sigurðardóttir
Kl. 14:30 Sölvi Tryggvason
Kl. 15:00 Ragnar Jónasson
Kl. 15:30 Guðrún Eva Mínervudóttir

Hjá bókaforlaginu benedikt í flóa

Kl. 12:00
Magnús Örn Helgason verður á bás Benedikts með bókina Óstöðvandi - Sara Björk, en í henni skráir hann sögu þessa fyrirliða íslenska kvennalandsliðsins í knattspyrnu og íþróttamann ársins 2018.

Kl. 13:00
Þórdís Gísladóttir ljóðskáld og barnabókahöfundur verður á básnum með bækur sínar Mislæg gatnamót og Randalín, Mundi og leyndarmálið.

Kl. 14:00
Karl Ágúst Úlfsson verður á básnum með smásagnasafn sitt, Átta sár á samviskunni.

Hjá bókaforlaginu Bókabeitunni í Flóa

Kl. 13:00 – 14:00
Lundastund með Ásrúnu Magnúsdóttur og Iðunni Örnu, höfundum bókarinnar Ævintýri Munda Lunda.

Kl. 13:00 – 14:00
Bergrún Íris Sævarsdóttir, rit- og myndhöfundur verður á bás Bókabeitunnar.

Kl. 14:00 – 15:00
Júlía Sif kynnir uppskriftabók Veganista og gefur gómsætt smakk á bás Bókabeitunnar.

Kl. 14:00 – 15:00
Benný Sif Ísleifsdóttir, höfundur bókarinnar Jólasveinarannsóknin, verður á Bókabeitubásnum.

HJÁ BÓKAFORLAGINU SÖLKU Í FLÓA

Kl.14:00
Ratleikur með jólasveininum
Jólasveinninn mætir á svæðið, fer með börnin í ratleik um Hörpu og les fyrir þau úr bókinni Snuðra og Tuðra taka til.

Kl.14:30
Blesa mætir á svæðið
Skagfirska merin Blesa úr bókinni Blesa og leitin að grænna grasi mætir á svæðið ásamt Láru Garðarsdóttur skapara hennar.

Kl.15:00
Búningar og andlitsmálning
Búningakassinn frá Finnu frænku úr bókinni Kormákur leikur sér verður á Sölkubásnum og fá öll börn andlitsmálningu.

Hjá Forlaginu í Flóa

Kl. 12:00 – 17:00
Höfundar Forlagsins afgreiða á básnum og árita bækur sínar.

Kl. 13:00 – 14:00
Bergrún Íris Sævarsdóttir kynnir bók þeirra Ævars Þórs Benediktssonar, Stórhættulega stafrófið, og teiknar stafi fyrir krakka.

Kl. 13:00 – 14:00
Ólína Þorvarðardóttir kynnir bók sína Lífgrös og leyndir dómar – lækningar, töfrar og trú í sögulegu ljósi.

Kl. 14:00 – 15:00
Arndís Þórarinsdóttir kynnir bók sína Nærbuxnanjósnararnir.

Kl. 14:00 – 15:30
Þýðendur og ritstjóri bókarinnar Prjónastund sýna flíkur úr bókinni og veita góð prjónaráð.

Kl. 15:00 – 16:00
Snæbjörn Arngrímsson kynnir bók sína Rannsóknin á leyndardómum Eyðihússins.

Kl. 15:30 – 17:00
Páll Baldvin Baldvinsson kynnir bók sína Síldarárin.

Kl. 16:00 – 17:00
Kristjana Friðbjörnsdóttir og Halldór Baldursson kynna bók sína Rosalingarnir.

_______________________________

 

 

 

 

 

Fyrsta Bókamessa í Bókmenntaborg var haldin árið 2011 í Ráðhúsinu og Iðnó. Síðan þá hefur Bókamessa vaxið ár frá ári og er nú einn af stóru viðburðunum í bókmenntalífi borgarinnar. Bókamessa flutti í Hörpu árið 2016 og leggur þar undir sig Flóa og salina Rímu A og B.

Á Bókamessu koma saman bókaútgefendur, höfundar og lesendur og eiga saman helgi þar sem orðlistin er í öndvegi. Fjölbreytt og skemmtileg bókmenntadagskrá er í tengslum við Bókamessu og lesendur geta nælt sér í glóðvolgar bækur á góðu verði beint frá útgefenda. 

Bókamessa árið 2019 er dagana 23. -24.  nóvember. 

Bókamessa árið 2020 er dagana 21. -22.  nóvember. 

Bókamessa árið 2021 er dagana 20. -21.  nóvember.