Þín eigin saga: Börn Loka

Þín eigin saga: Börn Loka
Útgefandi: 
Staður: 
Reykjavík
Ár: 
2018
Flokkur: 

 

Evana Kisa myndlýsti. Bókin er prentuð með letrinu Dyslexie sem auðveldar lesblindum að lesa.

um bókina

Þín eigin saga: Börn Loka fjallar um dimman og djúpan helli, þrjú hræðileg skrímslabörn, guði, gyðjur – og ÞIG.

ÞVÍ ÞÚ RÆÐUR HVAÐ GERIST!

Mundu bara að ef sagan endar illa má alltaf reyna aftur – það eru meira en tíu mismunandi sögulok!

úr bókinnI

"Ég vil fara heim," segir þú.

Óðinn grettir sig.

"Strax?" spyr hann. "Viltu ekki sjá mig reyna að henda orminum langt út á sjó?"

Þú hristir höfuðið.

"Nei, takk," segir þú.

"Farðu þá," segir Sif.

Þú gengur af stað. En svo stoppar þú. Þú snýrð þér við og lítur á æsina.

"Þau eru samt ekki skrímsli," segir þú við þau. "Þau eru ekki hættuleg. Þótt þau líti öðruvísi út en aðrir. Einu skrímslin hérna eruð þið."

Þú bendir á Óðin, Sif og Frigg. Þau svara engu. Svo gengur þú aftur af stað.

Inn í myrkrið.

Út úr hellinum.

Og alla leið heim.

ENDIR.

(s. 47-48)