Stór olíuskip

Útgefandi: 
Staður: 
Reykjavík
Ár: 
2017
Flokkur: 

Stór olíuskip er sterkt og fallegt verk. Ljóðin eru stílhrein og myndmálið ferskt og grípandi. Heildarmyndin er fimlega smíðuð og kallar á endurlestur; stóru olíuskipin sigla inn og út um vitund lesandans og skilja eftir sig fínlegt kjölfar tilfinninga sem spanna allt frá depurð og eftirsjá til hógværs fagnaðar.


— úr umsögn dómnefndar við afhendingar Bókmenntaverðlauna Tómasar Guðmundssonar

úr bókinni

Stundum sé ég framtíðina
eins og hillingar við sjóndeildarhringinn.

Kannski er alltaf vindur.
Kannski eru öll hús völundarhús.
Kannski eru allar borgir
stórar klukkur.

Augun eru ótrúlega stór
og þau gráta ótrúlega mikið.

Og þau skilja bara þrjú orð:
ljós, svefn, ást.