Stangveiðar á Íslandi

Útgefandi: 
Staður: 
Reykjavík
Ár: 
2013
Flokkur: 

Ritun og ritstjórn: Sölvi Björn Sigurðsson.

Úr inngangi höfundar:

Við innganginn í fyrra bindinu er ekki miklu að bæta. Hér líkt og þar eru rifjaðar upp ýmsar sagnir veiðimanna og galdrafólks á árbökkum, þær elstu frá í fyrndinni og þær yngstu frá því í sumar. Á hliðarsíðunum eru ýmsar gamlar tilvitnanir þjóðsagnasafnara og landkönnuða sem skoðuðu fiskana og árnar áður en stangveiðimenn komu að þeim, eða um það leyti sem þeir stigu fyrst færi á bakkana, og stundum blandast þessar sagnir líka inn í meginmál bókarinnar. Hugmyndin er sú að lesendum gefist kostur á að kynna sér eitt og annað um vatnasvæðin sem minna er gert úr nú til dags, og fái jafnvel svolitla innsýn í umhverfi ánna og vatnanna áður en sportveiðimennska óx til virðingar. Þessar lýsingar eru víðast æsingaminni en frásagnir sportveiðimanna sem hér deila reynslu sinni úr ánum og vötnunum, en ég vænti þess þó að sumum geti þótt forvitnilegt að skoða hvað gömlu landgæðaritin segja um árnar okkar og vötnin.

(9)