Grallarar í gleðileit

Útgefandi: 
Staður: 
Reykjavík
Ár: 
2010
Flokkur: 

Af bókarkápu:

Mamma er upptekin og alveg hætt að brosa. Eitthvað verður að gera. En hvað? Tolli og Toddi vita það vel ...

Úr Gröllurum í gleðileit:

Þegar mamma sest fyrir framan tölvuna laumar Tolli nesti í ullarflókann hans Todda. Til öryggis stingur hann þangað líka háf, sparibauk og löngum stiga. Það gæti orðið snúið að finna eitthvað sem gleður mömmu.

- Kannski heyrir mamma illa?

- Við getum athugað hvort það séu til eyru í dótabúðinni.

- Heldurðu það?

- Ég sá að minnsta kosti eyru þegar við keyptum Kínverjana um daginn, Kínverjana sem við sprengdum á meðan mamma svaf, flissar Toddi.

Þeir finna fljótt eyru úr ekta plasti og fimm sinnum stærri en eyrun á mömmu.

- Frábært, jarmar Toddi.

- Dýrt, hvíslar Tolli og dregur fram sparibaukinn.

- Þetta var auðvelt. Þurfum við eitthvað fleira? spyr Tolli.

- Kökur, svarar Toddi. - Ef eitthvað fær mömmur til að brosa eru það gómsætar tertur.