Förunótt

Útgefandi: 
Staður: 
Reykjavík
Ár: 
1978
Flokkur: 

Ljóðasafn Fjölva ; 5. Myndir : Gunnar Árnason

Úr Förunótt:

Hús

Hús eru skringileg
handaverk mannanna.

 Ég þekki hús, 
 hús eins og orð
 í krossgátu,
 sem enginn veit
 hvort ráðin skal.

 Og húsið er
 fullt af mönnum,
 þjáðum mönnum,
 sem veröldin
 vill ekki sjá.

 Þessu húsi
 vil ég gleyma
 í dagsins önn,
 en sú verður
 ekki raunin.

 Hugsun okkar
 er líka hús,
 dularfullt hús
 með alls konar
 skúmaskotum.

 Á vissan hátt
 erum við sjálf
 einskonar hús,
 lokuð og læst
 einsog gengur.