Blálogaland

Útgefandi: 
Staður: 
Reykjavík
Ár: 
1999
Flokkur: 

Af bókarkápu:

Blálogaland er óvenjuleg frumraun ungrar skáldkonu sem hefur vakið athygli fyrir frumleg og falleg ljóð. Ljóðabókin skiptist í fjóra hluta sem heita: Jörð af jörðu, Vatn frá vatni, Loft úr lofti og Eldur um eld, en kaflaheitin kallast á við efni ljóðanna. Hér er meðal annars ort um öngþveiti í æðum, sofandi fjöll, fótkalda engla og ástina í fjarskanum.


Úr Blálogalandi
:

Tunglið mitt

Í draumóravíddum alheimsins
er þetta eina tunglið
sinnar tegundar
fjarskalega ostkennt
og feimið
nema á haustkvöldum

þá tyllir það sér á öxl mína
kveðst þreytt
á að vera einlægt
háfleygt og fullt.


Handverk

Mæni upp í heillandi festingu himins
   hugur sem snöggvast blendinn
       víst er máninn faglega útskorinn
           finnst þó eitthvað bogið ...

       ... heyr himna smiður,
             þér láðist að naglhreinsa
                               Karlsvagninn!

(26-27)