Að breyta mjólk í mat : Osta- og smjörsalan 40 ára, 1958-1998

Höfundur: 
Staður: 
Reykjavík
Ár: 
1998
Flokkur: 

Af bókarkápu:

Osta- og smjörsalan sf. var stofnuð hinn 19. febrúar árið 1958 og á því fjörutíu ára afmæli um þessar mundir. Af því tilefni hefur Gylfi Gröndal rithöfundur skrifað þessa bók, sem hlotið hefur nafnið Að breyta mjólk í mat, en í henni er brugðið upp svipmyndum úr sögu íslensks mjólkuriðnaðar frá upphafi vega til þessa dags. Í fyrstu var eingöngu um að ræða frumstæða mjólkurvinnslu forfeðara okkar, uns skilvindan kom til sögunnar og aukin vélvæðing í kjölfar hennar. Þá hófst þróunin sem síðan hefur haldið áfram þrep fyrir þrep. Stöðugar framfarir hafa orðið, ekki síst á sviði ostagerðar, en tekist hefur á síðustu áratugum að skapa íslenska ostamenningu sem jafnast á við það sem best gerist með öðrum þjóðum. Osta- og smjörsalan átti erfitt uppdráttar í fyrstu, en fljótlega breyttist mótbyrinn í andstæðu sína og síðan hefur saga fyrirtækisins einkennst af vexti og velgengni. Bókin er prýdd fjölmörgum skemmtilegum ljósmyndum og fleiri gögnum sem varpa ljósi á íslenskan mjólkuriðnað fyrr og nú.