50½ sonnetta

Útgefandi: 
Staður: 
Reykjavík
Ár: 
2015
Flokkur: 

Úr bókinni:

Hafliði á hálfvirði í verra ferðaveðri # 18

Hann Hafliði fékk heila flík úr leðri
á hálfvirði, og græddi um sinn á því.
Hann gekk í henni í verra ferðaveðri,
og váleg lagði að baki fen og dý.

Hann fann sér urð og fjallið hæsta og dalinn
sem fimbulkuldinn átti á nyrsta pól.
Og ferðaðist þó aldrei hálfa alin,
án þess að skarta sínum leðurkjól.

Svo henti það að karlinn datt í keldur,
og kjóllinn með, æ, þvílík sorg og hryggð.
Á hálfvirði var Hafliði þá seldur,
og húðflettur með fagurbrýndri sigð.

Úr skinninu var skorinn stakkur nýr,
á skikkanlegu verði. Hann var dýr.

(29)