Rafrænar menningargöngur

Nú er hægt að fara í bókmenntagöngu og fleiri menningargöngur um sögu Reykjavíkur  með snjallsíma. Vinsælar bókmenntagöngur hafa verið færðar í rafrænt form svo fólk geti notið þessarar leiðsagnar hvenær sem er. Göngurnar má hvort sem er skoða á vefnum eða hlaða niður í snjallsíma.

Göngur fyrir alla

Fyrstu tvær göngurnar eru enska gangan Literary Reykjavík, sem kynnir bókmenntir frá mismunandi tímum, og íslensk glæpasagnaganga með þátttöku nokkurra af okkar þekktustu glæpasagnahöfundum. Einnig er ganga á þýsku sem kynnir íslenska bókmenntasögu frá söguöld til okkar tíma og ganga á íslensku og ensku um landnámið í Reykjavík unnin af Minjasafni Reykjavíkur. Fleiri göngur munu síðar bætast við.

Göngurnar eru aðgengilegar í smáforritinu Reykjavik Culture Walks og er hægt að hlaða þeim niður frítt í App Store  og Playstore á  alla iPhone eða Android tæki.